Түркиянын Болу провинциясындагы Карталкая курортунда чыккан өрттөн каза болгондордун саны 76 адамга жетти. Бул тууралуу РИА Новости жазды.
Кырсык 21-январга караган түнү болгон. Эс алуучулардын көбү бири-бирине уланып байланган шейшептерди кармап түшүүгө аракет кылышкан, айрымдары терезеден секиришкен. Жалпы жонунан 51 киши жабыркаганы айтылды.
Тергөөнүн алкагында тогуз адам, анын ичинде мейманкананын ээси кармалганы кабарланууда. Өлкөдө аза күтүү жарыяланды.
Кыргызстандын ТИМи өрттөн каза болгондордун жана жабыркагандардын арасында кыргызстандыктар жок экенин билдирди.
