Дашөгүз облусуна караштуу Гөроглы районунда арзандатылган ун үчүн кезекке турган аял мушташып каза болду. Окуяга байланыштуу мамлекеттик дүкөндүн сатуучусу камакка алынган. Бул тууралуу чет элдик басылмалар жазып чыгышты.
Маалыматка караганда, окуя 14-июлда болгон. Сатуучу алып келген ун абдан аз экенин, баарына жетпей турганын айтканда кезекте тургандар дүкөнгө жабылышкан. Андан соң кезек сакталбай, жаңжал чыккан. Ун талашкандар мушташып жатканда 45 жаштагы алты баланын энеси тепкичтен жыгылып, башы менен катуу тийген да, ошол жерде каза болгон.
Дүкөндүн алдына 300дөй адам чогулган. Алар 3 айдан бери ундун берилишин күтүп жүрүшкөн.
(Иллюстрация сүрөт)
