Бишкектик таэквондочулар эл аралык турнирде 10 медалга ээ болушту. Бул тууралуу мэриядан билдиришти.
Маалыматка ылайык, Кожомкул атындагы спорт сарайында олимпиадалык таэквондо боюнча «BISHKEK OPEN 2023» эл аралык ачык чемпионаты болуп өткөн. Аталган мелдешке Кыргызстандын, Өзбекстандын, Казакстандын жана Монголиянын спортчулары катышкан.
“Мелдештин жыйынтыгында Р. Санатбаев атындагы олимпиадалык резервдеги адистештирилген балдар-өспүрүмдөр мектебинин тарбиялануучулары 10 медалга ээ болушту. Раиль Кутанов, Даяна Кудайбергенова жана Азал Бабаева, Богдан Пягай алтын медаль утуп алышты. Күмүш медалды Сахиба Софиева жеңип алды. Ал эми Даниел Шаршеев, Диана Ахметова, Айлин Карагулова жана Анжелика Жунусова коло медалдын ээлери болушту” – деп айтылат маалыматта.
