Мурдагы биринчи вице-премьер-министр Тайырбек Сарпашев 31-июлга чейин камакка алынды. Бул тууралуу Биринчи Май райондук сотунан маалымдады.
Маалыматка ылайык, бүгүн 19-июнда Бишкек шаарынын Биринчи Май райондук соту Тайырбек Сарпашевдин баш коргоо чарасын карады. Анда 31-июлга чейин УКМКнын тергөө изоляторуна камакка алынды.
УКМКнын маалыматы боюнча, Сарпашевдин өлкөнүн жогорку саясий жетекчилигинде иштеп жатканда, канадалык «Центерра» компаниясынын өкүлдөрү менен жең ичинен сүйлөшүүлөрдү жүргүзүп, «Кумтөр» кенинде жайгашкан мөңгүлөрдүн экологиялык коопсуздугуна зыян келтирип, аталган компаниянын кызыкчылыктарын ишке ашырууга багытталган кылмыштуу иш-аракеттери аныкталган.
