Талапка жооп бербеген 263 жеке клиниканын иши токтоду. Бул тууралуу Саламаттыкты сакто министрлигинин басма сөз кызматы билдирди.
Маалыматка ылайык, министрдин тапшырмасы менен 2025-жылдын апрель айында медициналык уюмдардын ишмердүүлүгү текшерүүгө алынган.
“Өлкө боюнча 541 жеке медициналык клиника текшерилген. 246 клиниканын лицензиясы жок, 295 уюмдун 110унда олуттуу мыйзам бузуулар катталган. 263 медициналык уюмдун иши токтотулду. Жалпы 20 млн 740 миңден ашык айып пул салынды. 246 факты укуктук баа берүүгө жөнөтүлдү. Учурда Кыргызстанда 2240 медициналык клиника каттодон өтүп, лицензия алган. Мыйзамсыз иш алып барган деген 2800 уюм Салык кызматына медицина ишмердүүлүгү менен иштейм деп каттоодон өткөндөр, анын миңи иштеп жатат, калганы ишмердүүлүгүн баштай электер. 290 лиценциясы бар уюмдардын ичинен да 110 уюм лицензиянын шарттарын бузган”, — деп жазылат маалыматта.
