Кечээ, 14-февраль күнү Талас облусунун Арал айылында көлмөгө эки жаштагы бала чөгүп кетти. Бул тууралуу Өзгөчө кырдаал министрлиги билдирет.
Маалыматка ылайык, апасы баланы куткарам деп артынан түшүп, кошо чөгүп кеткен.
Куткаруучулар жеткенге чейин атасы баланын жансыз денесин суудан алып чыккан. Жерине 4 куткаруучу тартылып, аял кишинин жансыз денесин суудан чыгарышып, ИИМ кызматкерлерине өткөрүп беришкен.
«14-февралында Талас облусунун Арал айылында көлмөгө жаш бала (2018-ж.т. С.Б.) чөгүп кеткен. Баланын апасы (1996-ж.т. Б.А.) баланы куткарам деп артынан тушүп, кошо чөгүп кеткен. Баланын атасы уулунун жансыз денесин суудан алып чыккан. Жерине Талас райондук Өзгөчө кырдаалдар бөлүмүнөн 4 куткаруучу тартылып, аял кишинин жансыз денесин суудан чыгарышып, ИИМ кызматкерлерине өткөрүп беришкен», — деп берилет маалыматта.
