Президенттин Талас облусундагы ыйгарым укуктуу өкүлү Эрмат Джумаев Талас районунун дыйкандары менен жолугушуу өткөрдү. Иш-чарада негизги маселе катары сугат суунун тартыштыгы көтөрүлдү.
Анын айтымында, учурда облус жетекчилиги суу чарба башкармалыгы менен тыгыз кызматташып, ар бир тамчы сууну үнөмдүү пайдаланууну камсыз кылуу багытында иш алып барууда.
Дыйкандар да көйгөйлөрүн ачык айтып, өз сунуштарын беришти. Ыйгарым укуктуу өкүл сугат маселесин чечүүдө жергиликтүү бийлик бардык мүмкүнчүлүктөрдү колдонорун билдирди.
