Талас районунун “Кадастр” ММ, архитектура башкармалыгынын жана Нуржанов айыл аймагынын айрым кызмат адамдарынын мыйзамсыз иштерине бөгөт коюлду. Бул тууралуу УКМКдан билдиришти.
Маалыматка ылайык, алар 2014-2022-жылдар аралыгында материалдык пайда алуу максатында мораторий коюлган жана сугат айдоо жерлеринин категориясына кирген жер тилкелерин жеке менчик укугу тууралуу мамлекеттик актыны мыйзамсыз жол-жоболоштуруп беришкен.
Бул факты боюнча УКМК тарабынан Кылмыш-жаза кодексинин 337-беренесинин 2-бөлүмүнүн (“Кызмат абалын кыянаттык менен пайдалануу”) негизинде кылмыш иши козголду.
Учурда келтирилген зыянды аныктоо жана күнөөлүүлөрдү жоопкерчиликке тартуу боюнча тиешелүү процессуалдык чаралар көрүлүүдө.
