Бүгүн, 13-июнда Кыргызстандын улуттук курама командасы Омандын Маскат шаарынан Бишкекке учуп келген соң, Кыргыз футбол биримдигинин кеңсесине келди.
Кеңседен кураманы Министирлер кабинитенин төрагасынын орун басары Эдиль Байсалов, Маданият, маалымат, спорт жана жаштар саясаты министри Алтынбек Максутов жана Маданият, маалымат, спорт жана жаштар саясаты министринин орун басары Тимурлан Ажималиев менен күйөрмандар тосуп алышты.
11-июнда Кыргызстандын улуттук курама командасы, Маскат шаарында Оман курамасы менен кез келип, 1-1 эсебинде оюн тең чыгуу менен аяктаган. Мындай жыйынтык менен кыргыз футболчулары Азия Кубогуна жолдомо жана тарыхта биринчи жолу дүйнө чемпионтанын тандап алуу оюндарынын үчүнчү баскычына өттү.
