Бүгүнкү парламенттин жыйынында депутат Эрулан Кокулов Камчы Көлбаевдин 6 унаасы аукционго коюлганын, калган унаалары эмне болооруна кызыкты.
«Камчы Көлбаевдин 60тан ашык унаасы алынды. Ошонун 6 унаасынын документтери такталып, мамлекетке өттү, сатып жатышат. Калган көптөгөн унааларын үйүнөн, офистеринен жана пансионаттардан алып келип жатабыз. Кээ бир унааларынын документтери жок. Көлбаевдин өзүнө эле эмес, үй-бүлөсүнө жана башкасына, апасына бир нече унаалар катталган. Анын апасына 5, 6 брондолгон унаанын эмне кереги бар? Апасы ооруп жатып, документтерин бербей жатат. Калган унаалардын баарын соттун чечими менен алабыз. Бир дагы унаасы көчөдө калбайт. Үч кызы 3 унаа сураган эле, берген жокмун», — деди ал.
