Мен коррупционерлердин тамырын кыркышым керек. Бандиттердин тамырын кыркышым керек. Бул тууралуу Камчыбек Ташиев Region телеканалына берген маегинде айтты.
“Мен бул жерде УКМКда түбөлүк отурайын, 10-15 жыл отурайын дебейм да. Андай болушу да мүмкүн эмес. Бирок мен отурган убагымда көп нерсеге үлгүрүп калышым керек. Мен коррупционерлердин тамырын кыркышым керек. Бандиттердин тамырын кыркышым керек. Мен жумуштан кеткенден кийин ошол адамдар мага эле эмес, коомубузга да зыянын тийгизе албагыдай болушу керек” — деди ал.
Эскерте кетсек, Камчыбек Ташиев баракчасына коррупция менен күрөш аеосуз жүрөрү тууралуу пост жазып, анда убактысы аз калганын билдирген эле. Бул билдирүү колдонуучулар арасында бүдөмүк ойлорду жараткан. Ал берген интервьюсунда айткандары иш менен гана байланыштуу экенин билдирип, жашоосундагы көп нерселерди ачыктай албай турганын белгиледи.