Бүгүн, 24-майда УКМКнын төрагасы Камчыбек Ташиев митингтин катышучулары жана уютуруучусу Мухтар Шариповду кабыл алды. Бул тууралуу УКМКнын басма сөз кызматы билдирди.
Жолугушууда алар жөнөкөй жарандарга карата тергөө жана сот иштери жүрүп жаткандыгы, ошондой эле адвокаттардын, эксперттердин, прокурорлордун жана судьялардын мыйзамсыз иш-аракеттери жөнүндө өз билдирүүлөрүн айтышты.
Камчыбек Ташиев митингчилердин бардык катышучуларына, Улуттук коопсуздук органдары арыз ээлеринин ар бир кайрылуусу УКМКнын компетенциясына ылайык жана мыйзамдын чегинде каралаарын айтты.
