22-23-апрель күндөрү Ташкентте “Гунча” эл аралык ачык турнири өтүп, кыргызстандык спортчулар көркөм гимнастика боюнча 12 алтын медалга ээ болду.
«Ак-Барс» спорт клубунун машыктыруучусу А.К.Султангазиеванын коштоосунда 18 спортчу катышты. Мелдештин жыйынтыгында окуучулардын 12си алтын, 4ү күмүш жана 2си коло медаль алып келишти.
Мелдеште катышкан кыздарды колдоп Кыргызстандын Өзбекстандагы элчиси Муса Джабанбаев келди. Андан кийин элчинин чакыруусу менен спортчулар Кыргызстандын Өзбекстандагы элчилигине барып, көрүп келишкен.
Ал эми сынактын соңунда Ташкент шаарындагы кооз жерлерди кыдырышкан.
