Бүгүн, 30-январда Жогорку Кеңештин депутаты Тазабек Икрамов “Жалпыга маалымдоо каражаттары жөнүндө” мыйзам долбоорун иштеп чыгуунун ордуна интернет айдыңындагы фейк-аккаунттар менен күрөшүүнү жолго салууну сунуштады.
“Мен жөнүндө дагы бир топ каралоо, уят кылайын деген маалыматтар болду. Бул маалымат сайттардан чыккан жок. Бул социалдык тармактарда жүзүн жашырган фейк-аккаунттардан тарады. Ошого биринчи фейк маалыматтарды тараткандар менен күрөшсөк”, — деди Тазабек Икрамов.
Ал эми, Маданият министри Алтынбек Максүтов Кыргызстанда фейктерди “кармай” турган мониторинг борбору түзүлөрүн айтып, быйыл ишке кирери күтүлүп жатканын билдирди.
“Facebook, Tik-Tok компаниялары менен сүйлөшүп атабыз. Мониторинг борбору ачылып калса сизге бирөө жалаа жапса, бизге кайрылсаңыз тактап, ким экенин билип бере алабыз”, — деди министр.
Посмотреть эту публикацию в Instagram
