Бишкекте «Тазалык» ишканасынын кызматкерин сүзүп кеткен айдоочу камалды. Бул тууралуу Бишкек шаардык милициясынын басма сөз кызматы кабарлады.
Маалыматка ылайык, шектүү 1998-жылы туулган М.К. аттуу айдоочу Бишкек шаардык милициясынын убактылуу кармоочу жайына киргизилди.
Аталган факт боюнча 312-беренеге («Жол кыймылынын жана автотранспорт каражаттарын эксплуатациялоонун коопсуздук эрежелерин бузуу») ылайык кылмыш иши козголду.
Иликтөө иштери уланууда.
Эске сала кетсек, кечээ, 12-декабрда Жибек-Жолу менен Осмонкул көчөлөрүнүн кесилишинде «Тазалыктын» кызматкерин унаа сүзүп кеткен. Кызматкер дароо көз жумган.