Кыргыз-тажик чек ара чырында бир нече жарандын паспорт ж.б. документтери өрттөлүп, жоголуп кеткен. Ал эми аларга карата Мамлекеттик каттоо кызматынын кызматкерлери жеринде документтерди кабыл алууну жүргүзүүдө. Бул тууралуу өкмөттүн Баткен облусундагы өкүлчүлүгү билдирди.
Мааалыматка ылайык, бүгүнкү күндө Мамлекеттик каттоо кызматы тарабынан ID-кард үлгүсүндөгү паспорт алуу үчүн 49, туулгандыгы тууралуу күбөлүк алуу үчүн 2, нике күбөлүгүн алуу үчүн 1 жарандын арызы кабыл алынган. Ал эми бүгүн 18-майда, 17 жаран өздүгүн аныктоочу паспортторун алышты.
Кырдаалга байланыштуу Баткен шаарындагы Мамлекеттик каттоо кызматынын жарандарды кабыл алуу борбору (ЦОН) иштөө тартибин өзгөртүп, эрте мененки саат 8:00дөн, кечки саат 20:00гө чейин иштеп, документтерди кабыл алуу жүрүп жатат.
