Тажиктер Интернационал айылынын башчысын барымтага алып алышты. Бул тууралуу Баткен ОИИБнын Басма сөз кызматы билдирди.
Маалыматка ылайык, Интернационал айылынын кыргыз жарандарына тиешелүү болгон “Жилой дом” участкасындагы кыргыз жарандарына тиешелүү болгон турак-үйлөргө Таджик республикасынын аскер кызматкерлери кирип алган. Ошол участкага жакын аймакта кыргыз жарандарынын экөөсү каза болгондугун тактоо максатында Интернационал айыл башчысы барган учурда, таджик жарандары аны барымтага алып алышкан.
Лейлек районунун Жаңы-Жер айыл аймагынын Борбордук айылында таджик республикасынын аскер кызматкерлерине тиешелүү болгон аскер техникалары айылды аралап жүрөт.
Бул факт Лейлек РИИБнин КЖБРне Кыргыз республикасынын Жазык кодексинин 380-беренеси (Тынчтыкка каршы кылмыштар) менен катталып сотко чейинки өндүрүш иши башталган.
