Бүгүн, 1-майда Тажик Республикасынын Исфара районунун Ворух айылында Баткен ОИИБнын начальниги милициянын полковниги Мурат Боронов, Баткеноблусунун ыйгарым укуктуу өкүлдүн биринчи орун басары Маруфхан Тулаев, Согди ОИИБнын начальниги милициянын генерал-майору Абдулло Навджувонов менен жолугушуп, чек аралаш аймактардагы болуп жаткан абалды турукташтыруу максатында сүйлөштү. Бул тууралуу Баткен ОИИБнын Басма сөз кызматы билдирди.
Маалыматка ылайык, чек аралаш аймактардагы жарандардын коопсуздугун сактап, коомдук тартипти жөнгө келтирип, укук бузуулардын алдын алуу боюнча маселелерди талкуулады.
Сүйлөшүүнүн жыйынтыгында Баткен районунун Ак-Татыр айыл аймагындагы Жака-Өрүк участкасы аркылуу өтүүчү Ош-Исфана автожолу таджиктер тарабынан жабылган жол ачылды.