Тик учак кырсыгында жаракат алган адамдардын абалы туруктуу. Бул тууралуу Саламаттык сактоо министрлигинен билдиришти.
«Тез жардам ооруканасынын жандандыруу бөлүмүндө жаткан төрт адамдын экөө бүгүн палатага которулат. Кырсыкта жаракат алып, Улуттук госпиталга жеткирилген эки аскер кызматкеринин да абалы туруктуу»,- деп билдиришти.
Эскерте кетсек, 17-январда “Фрунзе-1” авиабазасында Ми-8 аскердик тик учак кулап, андагы экипаждын мүчөсү каза болгон. Коргоо министрлиги бортто жалпы 11 киши болгонун кабарлап, тик учак кырсыгы боюнча кызматтык териштирүү башталганын билдирген.
