Бишкектин четиндеги Ми-8 аскердик тик учагынын кыйрашынан бир аскер кызматкери көз жумду. Бул тууралуу 7-каналга Коргоо министрлигинен билдиришти.
«Дагы 8 аскер кызматкери жабыркады. Анын ичинен төртөө жандандыруу бөлүмүндө, бирөөнүн абалы өтө оор, үчөөнүн абалы оор. Алардын баары медициналык тез жардам ооруканасына жаткырылды»,- деп берилет маалыматта.
Коргоо министрлигинин жана Куралдуу Күчтөрдүн Аскер-аба күчтөрүнүн тиешелүү кызматкерлери тарабынан кырсыктын чоо-жайын тактоо иштери жүргүзүлүүдө.
