Тоңдо балык уулоого кетип изделип жаткан эки адамдын сөөгү табылды. Бул тууралуу ӨКМнын басма сөз кызматы билдирди.
Маалыматка ылайык, 14-декабрда Тоң районундагы Каджы-Сай айылынын тургундары 1948-жылы туулган М.Ю. жана 1965-жылы туулган А.А. аттуу эркек кишилер балык уулоого чыгып кеткен бойдон келишкен эмес.
Бүгүн 33 куткаруучу, 7 суучул жана 1 фельдшер, ИИМден 17 кызматкер, жергиликтүү тургундардан 35 адамы издөөгө чыгып, саат 14:40та алардын сөөгү табылган.
Куткаруучулар каза болгон жарандардын денелерин жээке чыгарып милиция кызматкерлерине өткөрүп беришкен.
