Кыргыздын улуттук, интеллектуалдык жана стратегиялык оюну болгон тогуз-коргоол ЮНЕСКОнун адамзаттын материалдык эмес маданий мурастарынын репрезентативдик тизмесине кирди. Бул туурасында ЮНЕСКО иштери боюнча Кыргыз Республикасынын Улуттук комиссиясы билдирди.
Маалыматка ылайык, мындай чечим кечээ 17-декабрда ЮНЕСКОнун материалдык эмес маданий мурастарды коргоо боюнча өкмөттөр аралык комитетинин 15-сессиясында кабыл алынган.
«Салттуу интеллектуалдык жана стратегиялык оюн тогуз-коргоол, тогуз кумалак, мангала» номинациясы үч мамлекеттин биргелешип алган номинациясы катары саналат. Ал Казакстан, Түркия жана Кыргыз өлкөсү.
Тогуз коргоол — так эсептөөнү, стратегдүү ойлонууну, тапкычтыкты, логикалык ой жүгүртүүнү талап кылган оюндардын бири болуп саналат. Тогуз коргоол оюнунун кыргыздардан башка кытай, казак, өзбек, каракалпак жана башка түрк элдери ойноп келишет.