Токиодогу Олимпиада оюндарына катышып жаткан кыргызстандык жөө күлүк Нурсултан Кеңешбеков бүгүн, 3-августта жарышка чыгат. Жеңил атлетчи 5000 метр аралыкка чуркайт.
Бул дистанциядагы мелдешке жалпы 40 спортчу жолдомо алган. Алар эки жарым финалдык беттешке бөлүнгөн. Нурсултан Кеңешбеков биринчисинде чыкса (Бишкек шаарынын убактысы боюнча саат 17:50), экинчисинде бул дистанциядагы дүйнөлүк рекорддун ээси Жошуа Чептегей болот.
Ар бир бөлүктөгү алдыңкы 5 күлүк автоматтык түрдө финалга чыгат. Дагы бешөө эки бөлүктүн жыйынтыгы менен тандалат.
