Токмокто 3-октябрга караган түнү болжол менен 11:30дар чамасында Гагарин жана Совет көчөлөрүнүн кесилишинен «Тойота Раф 4» жана «Мазда» үлгүсүндөгү унаалар сүзүшкөн. Бул тууралуу Чүй облустук милициясынын басма сөз кызматы билдирди.
Маалыматка ылайык, кырсыктын кесепетинен «Тойота Раф 4» унаасындагы жигит менен кыз каза болуп, жалпы 7 киши жабыркаган.
Учурда кырсыктын себебин аныктоо үчүн экспертиза дайындалды. Териштирүү жүрүүдө.