Токмок шаарында жөө жүргүнчүнү сүзүп, изин жашырган айдоочу кармалды. Бул тууралуу Чүй ОИИБден билдиришти.
Маалыматка караганда, 11-ноябрь күнү саат 03:30 чамасында Токмок шаарындагы көчөлөрдүн биринде белгисиз автоунаа 1986-жылы туулган С.К. аттуу жаранды сүзүп, окуя болгон жерден качып кеткен. Натыйжада жабырлануучу алган жаракаттарынан улам каза болгон.
Жүргүзүлгөн ыкчам иш-аракеттердин натыйжасында айдоочунун өздүгү аныкталып, ал 1999-жылы туулган М.И. аттуу жаран экендиги, ал өзүнүн “Субару Форестер” үлгүсүндөгү унаасы менен сүзүп качып кеткени аныкталган.
Унаа атайын айып автоунаа токтотуучу жайга киргизилип, тийиштүү экспертизалар дайындалды. Айдоочу убактылуу кармоочу жайга киргизилген. Тергөө амалдары уланууда.
