Токмоктогу мал базарда карыянын 120 миң сомун уурдоого шектелип кармалган жарандын иши кыскартылганын Чүй облустук сотунан билдиришти.
Маалым болгондой, карыя тосмо арыз жазган. Шектүү сот залынан бошотулган. Аталган чечимди 16-январда Токмок шаардык соту чыгарган.
Эскерте кетсек, буга чейин социалдык тармактарда Токмоктун мал базарында ашка жылкы алганы барган карыянын 120 миң сомун уурдап кетишкени тууралуу видео тараган. Жеринен жарандар ошол акчаны чогултуп, 115 миң 500 сом беришкен.
Токмок шаарынын тургуну кылмышка шектелип кармалып, убактылуу кармоочу жайга киргизилген. Ага уурулук беренеси боюнча айып тагылып, келтирилген чыгымды милицияга кайтарып берген.
