Жалал-Абадда баңгизат сатып жүргөн жарандар кармалды. Бул тууралуу ИИМдин басма сөз кызматы билдирди.
Маалыматка ылайык, 9-апрель күнү Жалал-Абад ОИИБна Токтогул районунун тургуну баңгизатын сатып жана сактап жүргөндүгү тууралуу маалымат түшкөн.
Бул факты боюнча Кылмыш-жаза кодексинин 282-беренесинин 1-бөлүмү менен сотко чейинки өндүрүш иши ачылган.
Тергөө иштеринин жүрүшүндө К. аттуу жаран 70 грамм гашиш баңгизаты сатып алынган. Ошол эле жаран экинчи күнү 110 грамм гашиш баңгизатын экинчи ирет саткан.
Шектүүлөр Токтогул районунун Бишкек-Ош жолунда жайгашкан май куйуучу жайынын жанында 2001-жылы туулган А. уулу К. менен 1990-жылы туулган Ж.С. 100 000 (жүз миң) сомго 5 килограм 360 грамм гашиш баңгизатын сатып жаткан жеринен кармалышкан.
Соттук химиялык экспертизасынын корутундусу ылайык баңгизаттардын салмагы 5 кг 540 гр болгон “гашиш” баӊгизаты экендиги аныкталган.
Шектүүлөр кылмыштарын толугу менен мойнуна алышып, убактылуу кармоо жайына киргизилген.
