Сокулуктагы тоодо дайынсыз болгон жаранды издөө иштери уланууда. Бул тууралуу Чүй ОИИБден билдиришти.
Маалыматка караганда, 28-ноябрда милицияга Дмитрий Забуновдун жубайы кайрылып, 1971-жылы туулган жолдошу 27-ноябрда Сокулуктагы тоого кеткен бойдон дайынсыз болуп жатканын айткан.
Аталган факты каттоого алынып, териштирүү иштери башталган.
Териштирүүнүн жүрүшүндө ал аңчылыкка 1961-жылы туулган досу менен кеткени маалым болгон. Забунов текени алууга кеткен бойдон келген эмес. Досу кеч кирип кеткендиктен кайтууга аргасыз болгон.
Учурда териштирүү уланууда.