Президенттин тапшырмасы менен Ысык-Ата курорту оңдолот. Бул тууралуу президенттин иш башкаруучусу Каныбек Туманбаев соц.тармактагы баракчасына билдирди.
Анын айтымында, убагында СССРге таанымал курорт бүгүнкү күндө кыйрап калган.
«Атайын комиссиянын курамы менен курорттун абалы менен тааныштык. Баса белгилеп айтчуу жагдай, курорттун айрым жерлерин жана корпустарын жеке тараптар иштетип келген, Профсоюздар федерациясы карабай койгон. 2023-жылы 1 сом пайда тапкан эмес, тескерисинче курорттун карызы 22 млн сомду чапчып калган»,- деди Туманбаев.
Ошондой эле, быйыл президент Садыр Жапаровдун тапшырмасы менен Ысык-Ата курортун оңдоп-түзөө иштери башталат.
