Бүгүн, 29-ноябрда Жогорку Кеңештин жыйынында Тууну өзгөртүү боюнча мыйзам долбоору каралып, биринчи окуудан колдоо тапты. Анда 66 депутат желекти өзгөртүүгө макулдугун берип, 8и каршы болду.
Жогорку Кеңештин депутаты Дастан Бекешев добуш бергендердин тизмеси менен бөлүштү.
Эскерте кетсек, өзгөртүүгө сунушталып жаткан вариантта түндүктүн ортосуна тартылган 3 чамгаракка дагы бирөө кошулган.
Белгилесек, Жогорку Кеңештин төрагасы Нурланбек Шакиев менен депутат Улан Примов туудагы айрым элементтерге тактоо киргизүүгө байланышкан мыйзам долбоорун демилгелеп жатышканын билдирген.
Президент Садыр Жапаров тууну өзгөртүү идеясын колдой турганын айткан.
