Кыргызстанда “Туз кошуу адатыбыздан кутулабыз” урааны астындагы маалыматтык кампаниясы башталды. Бул тууралуу Саламаттык сактоо министрли билдирди.
Маалыматка ылайык, иш-чара Оорулардын алдын алуу жана мамлекеттик санитардык-эпидемиологиялык көзөмөлдөө департаменти менен Кыргызстандагы Бүткүл дүйнөлүк саламаттык сактоо уюмунун кызматташуусунда жүрүп жатат.
“Жумалыкта тузду ашыкча колдонуудан арылып, сергек жашоо мүнөзүн колдоого багытталган маалыматтар берилүүдө.
Кыргызстандагы оорулардын жана өлүмдөрдүн 80%дан көбүрөөгү онкология, дем алуу, жүрөк-кан тамыр системасынын оорулары сыяктуу жугуштуу эмес ооруларга туура келет.
Алардын арасында оорунун 4 түрү бар, биринчи орунда – жүрөк-кан тамыр оорулары, булар артериялык гипертензия (гипертония), инсульт, инфаркт. Дээрлик ар бир экинчи чоң адамдын жогорку артериялык кан басымы бар” – деп айтылат билдирүүдө.
