КР УКМК тарабынан уулуу заттарды мыйзамсыз жүгүртүүгө тиешеси бар адамдарды аныктоо боюнча жүргүзүлүп жаткан иштердин алкагында 1967-жылы туулган Г.Ж.А. аттуу КР жараны кармалды. Ыкчам-иликтөө иш-чараларынын жүрүшүндө жеке адамдар сымаптын ири партиясын Баткен облусунан Бишкек шаарына сатуу максатында ташып келүүнү пландап жаткандыгы тууралуу маалымат келип түшкөн. Тиешелүү иш-чаралардын жүрүшүндө Чүй облусунун Жайыл районундагы “Төө-Ашуу” ашуусунда Г.Ж.А. аттуу жарандан унаасын тинтүү учурунда 40 кг сымап табылып, кармалган. Ал аны Бишкек шаарына 8 миң АКШ долларына сатууну пландаган. Учурда аталган факты боюнча тергөө-ыкчам иш-чаралары, анын ичинде уулуу заттарды мыйзамсыз жүгүртүүгө тиешеси бар башка адамдарды аныктоо иштери жүрүп жатат.
