2026-жылдын 8-февралында Казакстан Республикасынын жараны жалпы салмагы 5 кг болгон «Альфа ПВП» синтетикалык баңгизаты менен кармалды. Бул тууралуу УКМКнын басма сөз кызматы билдирди.
Маалым болгондой, ал УКМКнын тергөө абагына камакка алынган жана баңгизат каналынын уюштуруучуларын аныктоого багытталган кошумча тергөө иш-чаралары жүргүзүлүүдө.
Баңги каражаттарын, психотроптук заттарды жана алардын аналогдорун мыйзамсыз даярдоо, сатып алуу, сактоо, ташуу, жөнөтүү, ошондой эле өндүрүү, мүлкүн конфискациялоо менен 15 жылга чейинки мөөнөткө эркинен ажыратуу жазасына тартылаарын эске салабыз.
