“Афганистан Ислам Республикасына Кыргызстандан мунайзаттар импорттолуп жатат” деген маалымат чындыкка дал келбейт. Бул тууралуу УКМКнын басма сөз кызматы билдирди.
2021-жылдын 16-декабрына карата Министрлер Кабинетинин токтомуна ылайык, Мамлекеттик чек аранын кыргыз-тажик тилкесиндеги көзөмөл-өткөрүү пункттары аркылуу, жарандарды, автоунааларды жана жүктөрдү өткөрүү убактылуу токтотулган.
Ошондой эле, Министрлер Кабинети 2021-жылдын 1-мартында мунай жана мунай продуктуларын ЕАЭБдин чегинен тышкары экспорттоону убактылуу токтотуу боюнча токтом чыгарган.