Кызматтык абалынан кыянаттык менен пайдаланган Мамлекеттик салык кызматынын төрт жетекчиси кармалды. Бул тууралуу УКМК билдирет.
Маалыматка караганда, кээ бир ири өндүрүүчүлөр, алкоголдук жана курамында кант бар азыктарды, ошондой эле тамекини импорттоочулар республиканын түштүгүнө товарын жеткирип, андан кийин жөнөтүү документтерин кайра жокко чыгарган.
Салыкчылар мындай ишти атайын эле көз жаздымда калтырганы айтылды. Быйыл эле 3,2 млрд сомго бааланган товардын документтери артка кайтарылган. Бишкектин үч райондук салык башкармалыгынын жетекчилери жана ири салык төлөөчүлөрдү көзөмөлдөө башкармалыгынын башчысы кармалды.
