7-канал. Жаңылыктар — Кыргызстан

Жаңылыктар — Кыргызстан

Сортировка новостей по дате

Март 2024
Пн Вт Ср Чт Пт Сб Вс
 123
45678910
11121314151617
18192021222324
25262728293031
  • social_icon
  • social_icon
  • social_icon
  • social_icon

Балыкчыда УКМКнын жаңы имараты колдонууга берилди (ФОТО)

274

Бүгүн, 30-ноябрда Ысык-Көл облусунун Балыкчы шаарында Улуттук коопсуздук мамлекеттик комитетинин Ысык-Көл облусу боюнча Балыкчы шаардык башкармалыгынын жаңы имаратынын расмий ачылыш аземи болуп өттү.

Имараттын ачылышына УКМКнын төрагасы Камчыбек Ташиев, президенттин Ысык-Көл облусундагы ыйгарым укуктуу өкүлү Эмилбек Абдыкадыров, Балыкчы шаарынын мэри Азамат Арнабек уулу, улуттук коопсуздук органдарынын ардагерлери жана башкармалыктын өздүк курамы катышты.

Аталган бөлүмдүн жаңы имараты заманбап жабдуулар менен толук жабдылып, өлкө коопсуздугун камсыздоо жаатында кызматкерлердин натыйжалуу иштөөсү үчүн бардык шарттар түзүлгөн.

Өз кезегинде Камчыбек Ташиев бөлүмдүн кызматкерлерин куттуктап, өлкө жетекчилиги аймактык бүтүндүктү, улуттар аралык биримдикти жана мамлекеттин коопсуздугун камсыздоо жаатында Улуттук коопсуздук мамлекеттик комитетинин материалдык-техникалык базасын чыңдоо боюнча иш-чараларды мындан ары да улантаарын белгиледи.

Ошондой эле, төрага коопсуздук кызматкерлери Ата мекенге ак дилден кызмат кылып, уюшкан кылмыштуулукка, коррупцияга, терроризмге, диний экстремизмге жана сепаратизмге каршы күрөштө натыйжалуу иштерди камсыз кылаарын кошумчалады. Аны менен катар, төрага УКМК кызматкерлеринин оперативдүү иш-чараларынын артыкчылыктуу милдети катары жарандарга интимдик кызмат көрсөткөн ар кандай оюн-зоок жайларын, мончо комплекстерин жана сойкуканаларды уюштуруудагы мыйзамсыз аракеттерге бөгөт коюу боюнча мамлекеттик органдардын ишмердүүлүгүн көзөмөлдөө зарылдыгын эскертти.

Ошондой эле, мамлекеттик жана муниципалдык органдардын жана укук коргоо органдарынын жетекчилерине 1-декабрга чейин республика боюнча мындай мекемелердин ишин токтотуу тапшырмасы берилди. Өз учурунда Улуттук коопсуздук мамлекеттик комитетине аталган мекемелердин мындан аркы иши тууралуу маалымат келип түшсө, жергиликтүү өз алдынча башкаруу органдарынын жана укук коргоо органдарынын жетекчилери ээлеген кызматтарынан четтетилээри айтылды.

Ташиев Улуттук коопсуздук органдарынын дагы бир приоритеттүү милдети болуп, коррупциялык иштерге активдүү катыштыгы бар Фемида өкүлдөрү жана сот системасындагы паракорчулукка каршы активдүү күрөш жүргүзүү зарылдыгын белгиледи. Ал республикадагы кырдаалдын үчүнчү терс көрүнүшү катары кыргыз-тажик мамлекеттик чек арасында аткезчилик кайра жанданганын кошумчалады. Буга байланыштуу мамлекеттик бийлик органдарынын жана укук коргоо органдарынын жетекчилерине Баткен облусунун аймагындагы аткезчиликти толугу менен токтотууга багытталган комплекстүү иш-чараларды күчөтүү зарылчылыгы айтылды.

275