Украинадагы атайын аскердик операция учурунда каза болгон Россиянын Куралдуу күчтөрүнүн жоокери Эгемберди Дорбоевдин сөөгү мекенине жеткирилди. Сөөк кечээ болжол менен саат 19:00дө Кара-Ой айылына аскердик техника менен жеткирилген. Ал эми бүгүн, 25-мартта маркумду акыркы сапарга узатуу зыйнаты өтүп жатат.
Дорбоев бир нече жыл мурун апасы менен Россияга көчүп кеткен. Ал эми Норильск шаарына барганына аз гана убакыт болгон. Ал Россиянын жараны болчу. Бирок Кыргызстанда туулган. Норильск шаарынын мэринин маалыматына караганда, Эгемберди 8-мартта көз жумган.
