Бишкекте опузалап 1 млн сом акча талап кылган шектүү кармалды. Бул тууралуу Чүй ОИИБден билдирди.
Маалыматка ылайык, А.Э. аттуу жаран Т.А. менен алдын ала сүйлөшүп алып, укук коргоо органынын кызматкеринен 1 млн сом өлчөмүндө акча талап кылган.
Аталган факты Чүй облусунун ИИБге катталып, Кылмыш-жаза кодексинин 208-беренесинин (опузалап пара талап кылуу) негизинде кылмыш иши козголгон.
Ыкчам-издөө жана атайын иликтөө иш-чараларынын жүрүшүндө, 8-февраль күнү 1млн сом өлчөмүндө акча каражатын алып жаткан учурда 1986-жылы туулган Кыргыз Республикасынын А.Э. аттуу жараны кармалып, убактылуу кармоочу жайга киргизилген.
Учурда тергөө иштери уланууда.
