Өкмөт башчы Улукбек Марипов азык-түлүк коопсуздугу боюнча маалымат берди. Бул тууралуу ал бүгүн, 23-апрелде Facebook баракчасындагы түз эфир учурунда билдирди.
«Азык-түлүк коопсуздугу боюнча буга чейин дагы айтып келгенбиз. Кумшекер, өсүмдүк майы, ун маселеси боюнча айтканбыз. Булар боюнча Орусиядан акча бөлүп жаткан 1 миллион литр өсүмдүк майынын ичинен 392 литри келип түштү. Кошумча нарк салыгы алып салынды. Базар баасынан бир аз арзан кылып базарларга чыгарабыз же аз камсыз болгон үй-бүлөлөргө таратып беребиз. Кумшекер 3 миң тонна келиш керек болсо, 338 тоннасы келди. Бул дагы таратылып берилет», — деди ал.
