Өкмөт башчы Улукбек Марипов өкмөт үйүнүн алдына чогулган митингчилердин алдына чыкты. Ал 27 жаштагы кыздын уурдалып, өлтүрүлгөнү тууралуу толук маалыматы бар экенин, президенттин да маалыматы бар экенин айтты.
Кызматтык териштирүүлөр жүрүп жатканын жана жыйынтыгы жөнүндө маалымат берилерин кошумчалады.
«Мен деле буга абдан кайгырып турам, жүрөгүм менен айтып жатам. Кызматтык териштирүүлөр жүрүп жатат. Кечээ күнү да билдирүү жасаганбыз. Министрдин отставкага кетүү маселеси каралат. Иликтөө аягына чыгышы үчүн убакыт бергиле, мен силерге сөз берем, баары жоопкерчиликке тартылат», — деди Марипов.
