Улуттук госпиталдын урологиялык борборунда дистанциялык сокку-толкундуу литотрипсия (ДСТЛ) бөлмөсү ачылды.
«Улуттук госпиталдын урология бөлүмүнө күнүнө 30-50дөй бейтап кайрылса, алардын 60% бөйрөгүндө таш оорусу менен келишет. Ал эми заара түтүкчөсүнөн же бөйрөктөгү ташты операциясыз алууда эң жакшы ыкма — атайын аппараттын жардамы менен ташты эзүү. Бүгүнкү күндө МЖӨ долбоорунун алкагында Улуттук госпиталга заманбап дистанциялык литотрипсия аппараты орнотулуп, ДСТЛ кабинети ишке киргизилип жатат. Ал медициналык жардамдын сапатын жогорулатууга жана бейтаптын ооруканада болуу убактысын бир топ кыскартууга жардам берет», — дейт Саламаттык сактоо министри Алымкадыр Бейшеналиев.
