Бишкекте 2026-жылы Кыргызстанда өтө турган VI Дүйнөлүк көчмөндөр оюндарынын уюштуруу комитетинин төрагасынын жана мүчөлөрүнүн расмий маалымат жыйыны өттү.
Жыйындын башында министрлер кабинетинин төрагасынын орун басары, VI Дүйнөлүк көчмөндөр оюндарынын уюштуруу комитетинин төрагасы Эдил Байсалов сөз сүйлөп, 2026-жыл Кыргызстан үчүн маанилүү, масштабдуу бир катар окуялар, иш-чаралар өтөөрү күтүлүп жатканын билдирди.
Ошондой эле маалымат жыйындын жүрүшүндө Дүйнөлүк көчмөндөр оюндарынын ачылыш жана жабылыш аземи Бишкектеги жаңы стадиондо, ал эми оюндар Чолпон-Ата шаарында, Кырчын жайлоосунда өтөрү айтылды.
Маданият, маалымат жана жаштар саясаты министри Мирбек Мамбеталиев VI Дүйнөлүк көчмөндөр оюндарынын символу суу болоорун, чет элдик өнөр адамдары чакырылаарын жана башка кызыктар көрүүчүлөр үчүн азырынча сыр бойдон калуусун айтты.
Эске салсак, Дүйнөлүк көчмөндөр оюндары 2014, 2016, 2018-жылдары Кыргызстанда өткөн. Андан кийин 2022-жылы Түркияда, 2024-жылы Казакстанда уюштурулган.
