Ырчы Нуриза Абазованын бир тууганы дүйнө салды. Бул тууралуу ырчы айым өзүнүн Instagram баракчасына жазып чыкты.
«Баарыбызга баш көз болуп турчу элеңиз. Бир боорум, бир тууганым, акыры ажал сизди бизден алып кетти. Бала кезибизде «мен силерге ким болом?» деп сураганыңызда, «көсөмүбүз болосуз» десек ыраазы болуп калчу элеңиз. Эми биз көсөмүбүздөн айрылып калдык» — дейт ал.
Эскерте кетсек, Бакытбек Абазов буга чейин боордун циррозу жана 2-типтеги кант диабети менен жабыркап келген. Ырчынын агасына өткөн жылдын ноябрь айында Орусиянын Новосибирск шаарында операция жасалган. Маркумга өзүнүн баласы донор болуп берери кабарланган.
«7tv.kg» сайтынын жалпы жамааты Нуриза Абазованын үй-бүлөсүнө терең кайгыруу менен көңүл айтат.