Жогорку Кеңештин экс-депутаты Ыргал Кыдыралиева Кыргызстандын АКШдагы элчиси Эдил Байсаловдун президент Садыр Жапаровдун “үч саясий катасы” тууралуу айткан пикирине жооп берди.
Ал өзүнүн социалдык тармактагы билдирүүсүндө Байсалов “ката” деп атаган үч жагдайга өзүнүн көз карашын билдирген.
Кыдыралиеванын пикиринде, президенттин бийликчил партия түзүүдөн баш тартканы — кемчилик эмес, тескерисинче, Кыргызстан үчүн туура кадам.
Ошондой эле экс-депутат мамлекет башчысынын эл арасындагы жогорку ишенимин сындоого негиз жок экенин белгилеп, муну өлкөдөгү туруктуулук менен байланыштырды.
Ал эми коомдук талкуулардын форматынын өзгөрүшүнө токтолгон Кыдыралиева бүгүн бийлик эл менен түз жана түшүнүктүү тилде сүйлөшүп жатканын белгилеген.
