Ысык-Ата районунда кылкандуу дан эгиндерин оруп-жыйноо өнөктүгү башталып, район жетекчилиги талаадагы иштердин жүрүшү менен жеринен таанышты. Бул тууралуу суу ресурстары жана айыл чарба министрлиги билдирди.
Маалым болгондой, Ысык-Ата райондук агрардык өнүктүрүү башкармалыгынын жетекчиси Бек Джекшембаев район акими Алмазбек Рахманкулов менен биргеликте Кочкорбаев айыл аймагындагы талаалардагы иштердин жүрүшүн жеринен көрүп чыгышты. Маалыматка ылайык, район боюнча быйыл жалпы 21 миң 575 гектар аянтка кылкандуу дан эгиндери айдалган. Анын ичинен 8 миң 186 гектарын буудай ээлейт.
Текшерүүнүн жүрүшүндө район акими Алмазбек Рахманкулов түшүмдү өз убагында жана коромжусуз жыйноо үчүн дыйкандарга бардык зарыл шарттарды түзүп берүүнү тиешелүү кызматтарга тапшырды.
