Кыргыз-кытай кызматташтыгынын алкагында Ысык-Ата районунун Сын-Таш айылында ири кыш заводу курулду. Бул завод Кыргызстандагы курулуш тармагындагы эң ири инвестициялык долбоорлордун бири болуп эсептелет. Курулуш иштери 2024-жылдын сентябрь айында башталган. 2025-жылдын апрель айында кайрадан жанданып, бүгүнкү күндө завод ишке берилип олтурат.
Ишкана замандын талабына ылайык айланма меш менен жабдылган. Айланма меш — бул заманбап, үзгүлтүксүз өндүрүш жүргүзө алган жогорку эффективдүү күйгүзүүчү жабдуу. Анын өзгөчөлүгү — мештин 360 градус айланып турушунда.
Сын-Таш айылында сапаттуу чопо менен суглинктин ири кени жайгашкан. Алгач завод ички рынокту камсыздоого багытталат, бирок келечекте продукциясын тышкы рынокко чыгаруу мүмкүнчүлүгү да бар.
