«Ысык-Ата асыл тукум тоок заводу» мамлекетке кайтарылды. Бул боюнча маалыматты айыл чарба министрлиги таратты.
Билдирүүгө ылайык, 1980-жылы негизделген ишкана 2002-жылы «Алтын-Канат» ААК болуп өзгөртүлгөн. 2007-жылдан бери акционерлердин үлүшүндө болгон жай быйыл кайрадан мамлекеттин менчигине алынып, Суу ресурстары, айыл чарба жана кайра иштетүү өнөр жайы министрлигинин карамагына өттү.
Ишкана союз мезгилинде тоок эти, жумуртка менен өлкөнү толугу менен камсыздап, тоок жүнүн жана башка тиешелүү өндүрүмдөрдү чыгарган ири заводдордун катарында болгон.
