К.Жантөшев атындагы Ысык-Көл облустук музыкалык драма театры Түркмөнстанда өткөн Түрк тилдүү мамлекеттердин II эл аралык театралдык фестивалынын баш байгесин жеңди.
Театралдык фестиваль ТҮРКСОЙ эл аралык уюму тарабынан уюштурулган. Ысык-Көл облустук музыкалык драма театры «Ак кеме» спектакли менен катышып, «Эң мыкты спектакль» номинациясынын баш байгесин (Гран-при) утуп алды.
Бул фестиваль 18-20-октябрь күндөрү Түркмөнстандын Ашхабад шаарында өтүп, ага түрк тилдүү өлкөлөрдүн театрлары катышкан. Спектаклдин режиссёру Уланмырза Карыпбаев.
