Ысык-Көл облусунда жол оңдоо иштери кызуу уланып, жол боюна аялдамалар орнотулууда. Бул тууралуу Транспорт министрлигинен билдирди.
Турбаза-Ананьево-Көк-Дөбө унаа жолунда асфальт төшөө иштери кызуу жүрүүдө. Титулдук тизменин планына ылайык 3 км жол жасалат. Бүгүнкү күнгө карата 1,5 км жолго асфальт төшөлүп бүттү. Жол оңдоо иштери №7 Жол тейлөө ишканасы тарабынан аткарылууда.
Ал эми Корумду айылындагы Үсейин Мамлеталиев жолуна 900 метр асфальт төшөө үчүн жолдун негизи даярдалды. Михайловка-Николаевка-Токтоян унаа жолунда жол оңдоо иштери кызуу жүрүп, 6,1 км жолго асфальт төшөлүп бүттү. Калганы аз убакыттын ичинде ишке берилиши күтүлдүүдө.
Белгилей кетсек, Михайловка-Николаевка-Токтоян унаа жолунун боюнда аялдамалар орнотулуп жатат.
