Ысык-Көлдө 20 жаштагы жигит асынган абалда табылды. Бул тууралуу Ысык-Көл ОИИБден кабарлашты.
Маалыматка ылайык, 16-декабрда саат 21:10 чамасында милицияга Кара-Ой айылынын тургуну өз үйүндө жанын кыйганы тууралуу маалымат түшкөн. Жерине барган милиция кызматкерлери 20 жаштагы жигиттин жансыз денесин табышкан.
«Ата-энесинин айтымында, саат 20:30 чамасында уулун сарайда асынган абалда табышкан. Арканды кесип, жансыз денени үйүнө алып киришкен. Ошол учурда жигиттин эс-учу болгон эмес. Жансыз денени кароо учурунда аркандын тагынан башка так болгон эмес. Аталган факты каттоого алынып, соттук-медициналык экспертиза дайындалган. Анын жыйынтыгы менен чечим чыгарылат»,- деп берилет билдирүүдө.
